BEC 007 Bosque dos Grobos

Quizais un dos espazos naturais máis singulares e delicados de Ancares Terras de Burón, se non de toda Galicia. Trátase dun amplo afloramento de rocha calcaria, posiblemente restos de covas que colapsaron por efecto da auga, onde a abundante humidade xerou un bosque frondoso e case máxico. Nun labirinto de rochas e pasadizos cubertos por espesos musgos, a luz que se filtra entre as árbores e os sons do bosque fan deste lugar a esencia da micropaisaxe.