POL 013 Fonte de Rois

Construída en 1930, trátase dunha fonte monumental formada por un amplo frontón do que saen tres canos polos que se verte a auga nunha pía central. A ambos lados hai outras dúas pías de maior tamaño que facían as veces de lavadoiro, como indican as catro grandes pedras que servían para enxaboar e frotar a roupa. A zona, ampla e con árbores, forma un agradable e bonito conxunto.