Descrición

En Petán, xunto a un camiño de aldea, entre prados e muros de pedra, alíñanse as estacións dun vía crucis. Son tres pezas sinxelas de granito, sen figuras: un fuste alto rematado por unha cruz lisa sobre un pedestal. Os veciños percorríanas rezando, unha tras outra, sobre todo os venres de Coresma e o Venres Santo. Arredor, hórreos, vellas pedras de muíño e casas sen tellado invadidas pola hedra e os fentos completan o retrato da aldea que foi.

Vídeo